Legalite Fanm ek Zonm
Ser zanmi, sa semenn nou’n fet lazournen enternasyonal bann madanm le 8 mars e i ti lokazyon pour reflekte lo vre rol bann madanm dan progre lasosyete. Ozordi, nou progranm pou abord zisteman prensip bahay : Legalite fanm ek zonm. Nou pou komans toudswit avek en lapriyer.
O Dieu ! rafraichis et réjouis mon esprit. Purifie mon cœur. Eclaire mes facultés. Je remets toutes mes affaires entre tes mains. Tu es mon Guide et mon Refuge.
Je ne veux pas m’abandonner plus longtemps à la tristesse et au chagrin, je veux être débordant de joie et de bonheur.
O mon Dieu, je ne veux plus être envahi par l’anxiété ni laisser les tourments m’accabler. Je ne veux plus m’appesantir sur les ennuis de la vie.
O Dieu, Tu es pour moi un ami plus véritable que je ne le suis moi-même.
Je me consacre à Toi, ô Seigneur.
Plis ki santan pase, pour premye fwa dan listwar larelizyon, Bahá’u’lláh, fondater lafwa Bahay, ti proklanm prensip fondamantal, legalite fanm ek zonm, an dizan ki “fanm ek zonm in touzour e pou touzour egal dan lizye Bondye.”
Bahá’u’lláh in osi dir ki letablisman drwa ek privilez egal pour zonm ek fanm, I en prekondisyon pour letablisman lape iniversel ki pou asir byenet ek sekirite limanite.
I vizyon bann Bahay ki legalite ant bann seks I santre lo sa prensip sprityel, en sel limanite. Sa prensip I met lanfaz lo bezwen tou dimoun pour regard limanite koman en sel endividi.
Bahá’u’lláh I dir nou: “Eski zot pa konnen ki zot in ganny kree avek sa menm lapousyer? Ki personn pa devret egzalte son lekor par lao lezot? Reflesir byen touletan dan ou leker koman ou’n ganny kree. Akoz ki nou’n kree zot tou avek en menm sibstans, I endispansab ki zot tou zot en menm lam, mars avek menm lipye, manz avek menm labous e reste lo menm later.”
Dan bann lekritir Bahay, legalite ant bann seks I pyer fondasyon plan Bondye pour devlopman e prosperite imen. `Abdu’l-Bahá, garson egzanpler Bahá’u’lláh, ti met bokou lanfaz lo bann drwa ek privilez bann madanm dan son bann kozri ki I ti fer depi Lerop ziska Lanmerik. I ti fer remarke ki san okenn dout, ki legalite zonm ek fanm I en eleman fondamantal pour letablisman Lord Mondyal.
Pandan enn son vwayaz Lerop, dan en renyon pour Lig Laliberte bann madanm, Langleter, an zanvye 1913, `Abdu’l-Bahá ti dir:
Parey en zwazo, limanite I annan de lezel: enn mal ek enn femel. Si sa de lezel pa annan menm lafors pou bouze, sa zwazo pa pou kapab anvole.
Dan sa menm lespri, bann fanm fodre progrese e ranpli zot misyon dan tou domenn lavi pour vin egal avek bann zonm. I ti dir zot ki sa I son gran lapriyer pour bann fanm.
Les femmes doivent aller de l’avant; pour le perfectionnement de l’humanité, elles doivent étendre leurs connaissances scientifiques, littéraires et historiques. D’ici peu, elles obtiendront leurs droits. Les hommes constateront leur serieux, leur dignité, les ameliorations qu’elles apportent à la vie politique et civile, leur opposition à la guerre et leur désir d’obtenir le suffrage universel et des facilités égales à celles des hommes.
J’espère vous voir progresser dans tous les domaines de la vie; alors vos fronts seront courronés du diadème de la gloire éternelle.
`Abdu’l-Bahá ti met bokou legzanp pour siport son bann largiman ler I ti an Lanmerik:
I ti dir son lodyans ki Bondye in kree zonm ek fanm pour zot konplemant kanmarad dan rol ki zot zwe dan lakour osi byen ki dan lasosyete an zeneral. Se pour sa rezon ki si enn I an defo, lot pa pour konplet e zot pa pour atenn laperfeksyon.
Annou ekout parol sakre `Abdu’l-Bahá lo sa size:
O Servante de Dieu! Sache qu’aux yeux de Dieu la conduite des femmes est la même que celle des hommes. Tous sont les creatures de Dieu et Il les a créees selon Sa forme et à Sa resemblance; c’est-à-dire, selon la forme et à la resemblance des Manifestations de Ses noms et de Ses attributs. Par consequent, au point de vue spirituel, il n’existe pas de difference entre les hommes et les femmes. “Plus nous approchons de Dieu, plus Il s’approche de nous”, que la personne soit un homme ou une femme. Combien de femmes, ainsi atires vers Dieu, ont surpassé les homms en les amenant à l’ombre de Baha – des femmes renommées à travers le monde.
Si dan lepase, bann fanm ti konpletman soumet ek zonm, sa santiman enferyer ti akoz en mank ledikasyon. Lavi ek kiltir fanm ti zis otour son fwaye. E pti a pti,, bann fanm ti montre ki I kapab annan menm don ek talan ki bann zonm. Dan lasyans, parey Marie Curie; dan politik parey Indira Ghandi, Margaret Thatcher, Hillary Clinton. Nou’n osi temwanny eleksyon bann madanm koman nouvo sef deta tel ki Mme Ellen Johnson an Liberya, Mme Angela Merkel an Lalmanny e osi Pratibha Patil an Ennd e tou dernyerman, Dilma Rousseff an Brezil. Nou sit osi Shirin Ebadi ki ti premye fanm iranyen pour ganny en pri nobel pour son zefor pour anmenn demokrasi e drwa imen, Bertha von Suttner, premye fanm pour ganny pri nobel lape e nou pa oubliy osi Mer Teresa ki ti lit kont lapovrete. Isi Sesel, nou annan madanm ki minis, sekreter prensipal, direkter zeneral, fanm dafer e osi pilot, dokter, enzenyer. Tousala i montre nou ki fanm pe trouv son plas dan sekter aktivite imen ki ti avan rezerve zis pour zonm. Nou pti pei pou epanoui avek sa lekilib potansyel fanm ek zonm.
`Abdu’l-Bahá ti fer byen kler ki ledikasyon bann fanm pour anmenn en gran pa an avan ver labolisyon lager, akoz en fanm pour servi tou san lenflians kont lager. En fanm I elev son zanfan, I edik li e I swiv li ziska laz adilt. I pou refize ofer li koman en sakrifis lo fron batay.
Annou pa oubliye ki lekritir sakre I donn fanm sa devwar pour vin premye edikater laras imen e ler en fanm I edike, I pou amenn son zanfan dan semen drwat. Larelizyon Bahay I akord en gran lenportans lo ledikasyon koman en mwayen promouvwar kondisyon bann fanm. I donn priyorite ledikasyon bann fiy ek madanm akoz zis bann manman edike ki pou kapab partaz pli vit e pli byen bann byenfe lakonesans dan lasosyete. I ankouraz bann madanm pour fer letid dan tou sekter lemonn travay an kontan bann ki ti tradisyonelman reserve pour zonm.
Annou ekout en pti lapriyer dedye a bann madanm lo lenportans ledikasyon:
O vous mères aimantes! Sachez qu’aux yeux de Dieu, la meilleure manière de l’adorer est d’éduquer les enfants et de les élever dans toutes les perfections humaines. On ne pourrait imaginer acte plus noble.
Legalite fanm pa kapab ne dan en lanbyans konfli ant bann seks. I pou selman kapab ganny akonpli si zonm ek fanm ek zonm i travay koman bann partener. Bann fanm I devret fer sir zot devlop zot kapasite e zwe en rol aktif dan tou bann aktivite. Bann zonm I devret ankouraz zot e donn zot tou sipor neseser. Zot fodre aprann apresye kontribisyon bann fanm e donn zot en plas dan tou bann lenstitisyon lasosyete.
Pour sa arrive. Fodre ki bann konportman ek latitid I sanze e sa tranformation I kapab pran bokou letan.
Annou rapel byen parol `Abdu’l-Bahá ler I ti adres bann dimoun Lanmerik:
Anverite, bann fanm pour enn bann fakter pwisan dan letablisman lape iniversel e larbitraz enternasyonal . I napa okenn dout ki bann fanm pou aboli lager.
Ser zanmi odoter, parey nou tou nou pe swete pour Lape Mondyal koman pli gran bezwen lemon ozordi, annou rapel byen ki fanm I avoka pli devoue pour lape enternasyonal. Linifikasyon laras imen I depann lo realizasyon legalite zonm ek fanm. Avek pasyans ek en ledikasyon ranpli avek lanmour, sa sanzman I ava pran plas, e nou tou nou ava viv dan linite ek larmoni.
Pour terminen, nou pou mansyonn Táhirih, koman enn bann personaz kin mark listwar lafwa bahay. Táhirih i premye fanm pour rekonnet e aksepte sa nouvo larelizyon. An 1847, pandan en gran rasanbleman, i ti tir son vwal koman en zes senbolik abolisyon linegalite drwa bann zonm ek fanm. I ti mor koman en martyr avek sa bann dernyen parol ki i ti dir son bouro:
Ou kapab touy mwan, me ou pa pou kapab anpes lemansipasyon bann fanm.
Sa ti pou mark premye pa ver reform senbolik pour bann fanm dan lasosyete.