Lanmour
Lanmour i neseser pour etablir lape, linite avek noumenm, nou fanmiy, nou sosyete e limanite. Bahá’u’lláh, manifestasyon pour sa lepok in met fondasyon pour kree lanmour ek linite ki pour anmenn lape mondyal. Annou rapel son parol inik ki soulinny sa lide: “Later in en sel pei e limanite i son sitwayen.” Nou parey bann fri en sel pye dibwa e bann fey en sel brans. Sa limaz i reflekte konsept linite limanite.
Nou lapriyer ozordi i ekstre lekritir sakre par Bahá’u’lláh ki apel “Les Paroles Cachées. Bahá’u’lláh in fer bokou referans lo sa verti ki apel lanmour dan son bann lekritir.
O Fils de l’homme,
J’ai aimé ta création, c’est pourquoi je t’ai créé. Aime-moi donc afin que je mentionne ton nom et que, de l’esprit de vie, je remplisse ton âme.O Fils de l’existence,
Aime-moi pour que je puisse t’aimer. Si tu ne m’aimes pas, mon amour, par aucun moyen, ne pourra t’atteindre. Sâche-le, ô serviteur.O Fils de l’homme,
Voilé en mon existence immémoriale et dans l’antique éternité de mon essence, j’ai connu mon amour pour toi, aussi t’ai-je créé. J’ai gravé en toi mon image et je t’ai révélé ma beauté.
KI SAVEDIR LANMOUR?
Sa trwa ekstre Les paroles cachées par Bahá’u’lláh i soulinny lenportans lanmour Bondye pour limanite e in kree zonm atraver son limaz, pour ki zonm i devlope e progrese spirityelman. Nou devlopman spirityel atraver bann verti, i neseser pour prepar nou pour antre dan lemonn spirityel, ler nou kit sa lemonn materyel.
`Abdu’l-Bahá, garson Bahá’u’lláh i dir nou dan son liv : “L’art divin de vivre”; “Konnen avek sertitid ki lanmour se lalimyer seles, soufl eternel le Sent Espri ki donn lavi lam imen. Lanmour se lalimyer ki gid nou dan fernwanr, sa lyen vivan ki ini Bondye avek zonm, ki asir progre sak lam imen.”
Lanmour Bondye i briye lo limanite parey bann reyon soley. Nou lanmour i devret parey bann reyon soley: nou devret kontan tou dimoun, sanz eksepsyon. Pour ed nou devlop lanmour pour tou limanite, annou memoriz sa lot ekstre Les Paroles Cachées Bahá’u’lláh:
O mon ami,
Dans le jardin de ton coeur, ne plante que la rose d’amour.
Lanmour se ler ou donn latansyon en dimoun, ou annan dezir pour vin pros avek e partaze avek zot. Lanmour i pouvwar latraksyon. I en santiman spesyal ki ranpli ou leker. Annan lanmour pour dimoun se ler ou tret zot avek swen ek tandres akoz zot annan en plas spesyal dan ou leker.
Ou kapab montre lanmour atraver en sourir, byen koz avek ou kanmarad, ser li dan ou lebra.
Lanmour se ler ou met ou lekor dan soulye en lot dimoun e pran ka avek zot santiman. Se ler ou aksepte zot zis parey zot ete.
Lanmour se ler ou tret lezot dimoun parey ou ti ava kontan zot tret ou – avek swen ek respe.
AKOZ FODRE NOU PRATIK LANMOUR?
San lanmour, dimoun ti pou santi zot tousel. Tou dimoun i kontan ler zot ganny en pe lanmour. Ler ou demontre lanmour anver ou prosen, ou pe ed zot. Lanmour i en santiman ki kontinnyen propaze. Ler ou kontan Bondye, ou kapab santi son lanmour pour ou. Ler ou kontan ou lekor, ou annan plis lanmour pour donnen. Ou montre ou lanmour pour Bondye atraver konversasyon avek li dan lapriyer e ler ou montre tandres anver tou dimoun ki Bondye in kree avek lanmour.
Bann keksoz ki rapel nou ki nou pe pratik sa verti esansyel ki apel lanmour se ler ou :
- Tret lezot parey ou ti ava kontan zot tret ou
- Dir bann bon keksoz
- Fer bann pti keksoz ki anmenn lazwa pour lezot
- Montre lafeksyon anver lezot
- Eksprim lanmour pour nou Kreater atrave labonte anver lezot
- Lespri i okipe avek bann zoli panse
`Abdu’l-Bahá i dir nou:
Si ou kontan en dimoun, fodre kontan li avek tou son kalite e osi avek son defo. Fodre ki nou konsider tou imen parey en let kin ganny ekrer par lanmen Bondye. Parey Shoghi Effendi, pti zanfan `Abdu’l-Bahá e Gardyen lafwa bahay i eksplike, :”nou kapab kontan tou dimoun malgre bann gou ek karakter divers akoz nou tou nou annan en sel papa, nou Kreater. Bondye i kontan nou tou avek nou bann kalite ek defo, e nou, nou bezwen kontan nou prosen par sa gran lanmour pour li.
Lanmour i en eleman esansyel dan ledikasyon spirityel bann zanfan. Tou i komans dan lakour kot lanbyans neseser i ganny kree. Noun deza dir ki i responsabilite bann paran pour donn bon legzanmp akoz zot model zot zanfan. Lanmour i annan en lyen direk avek bon legzanmp pour kree en lanbyans armonye ki ede dan devlopman spirityel en zanfan. Sa zanfan fodre i santi ki nou kontan li e ki tou sa ki nou demann li pour fer, se par nou lanmour pour li. Sa zanfan pou santi e aprann sa lanmour selman si son paran i montre li ki sa santiman i egziste antre zot. Parey Bahá’u’lláh i dir:
lanmour i en fortres ki ofer sekirite pour limanite.
Msye Ali Akbar FURUTAN, en onm kin fer bokou resers lo ledikasyon zanfan, i donn nou sa konsey dan son liv ki apel ‘Mothers, fathers and children :
Dan fanmiy, lespri lanmour ek lafeksyon fodre i reyonnen dan zanfan. Lalimyer linite i devret briye avek lafors dan zot leker, e lanvironnman fanmiy i devret vin parey en zarden roz atraver sa don zenere ki Bondye in donn nou. Zanfan i devret regard zot paran avek bokou respe e pa santi okenn dezakor antre zot, pour ki ler zot vin adilt, zot ava kapab vin bann serviter senser lemonn limanite.
Ser zanmi, pour ki lanmour ek linite i renyen dan zarden limanite, fodre nou touzour mazinen pour plant lanmour dan nou leker. Annaou regard bann dimoun ki antour nou koman nou bann frer ek ser, akoz avantou, nou sorti kot menm sours, dan menm rasin e nou form menm ras. Nou tou nou bann kreatir en sel Kreater.
Kan i annan lanmour, sa ki lour i pou leze ; sa ki difisil pou fasil. Lespri negatif pour ganny ranplase par en lespri pozitif. Avek lanmour, nou pou fer plis pa an avan e mwen pa an aryer. Avek lanmour, nou kree fondasyon solid pour en meyer sosyete.