Linite Limanite
Linite limanite i en prensip fondamantal lafwa bahay.
Lapriyer linite pour tou limanite.
O mon Dieu! O mon Dieu! Unis les coeurs de tes serviteurs et révèle-leur Ton grand dessein. Puissent-ils suivre tes commandements et observer Ta loi! Aide-les, O mon Dieu, dans leurs efforts et accorde-leur la force de Te servir.
O Dieu, ne les abandonne pas à eux-mêmes mais par la lumière de Ta connaissance, guide leurs pas, et par Ton amour, réjouis leur coeur.
En vérité, Tu es leur Recours et leur Seigneur.
Tou bann mesaze diven in proklanm linite Bondye ek linite limanite. Linite limanite I fondman tou bann verti imen. Pour etablir sa linite, Bondye in anvoy bann profet diven, ki bann premye edikater laras imen. Zot in ansennyen ki pour progrese, zonm I fodre kontan e ed kanmarad. Bondye I oule ki zonm I viv dan linite, an akor aek kanmarad e ki zot kontan kanmarad.
Linite I en verti tre pwisan e I anmenn bokou lafors. I en fason vwar liniver koman enn sel, desinen par sa Enn kin kree nou tou. Ler ou pratik linite, ou les ou lekor santi ou konekte avek tou keksoz e tou dimoun.
Linite I anmenn larmoni parey lanmizik ki diferan lenstriman I fer dan en lorkes. Linite I pa oule dir vin parey lezot. En laflit pa pou zanmen esey rezonn parey en tanbour. Ler ou zwe zot ansanm, zot donn zoli melodi. Ler ou pratik linite, ou valoriz sa ki sak parti I kontribye pour la totalite. Avek linite, ou kapab fer zefor pour annan larmoni avek ou fanmiy dan lakour e ou fanmiy imen partou dan lemonn.
Linite I anmenn lape. I vedir ki ou pa esey fer tou dimoun resanble, reflesir, azir ou koz parey ou. Atraver pouvwar linite, ou kapab anmenn solisyon pour konfli, ler ou dekouver en lide ki reponn bezwen tou dimoun. Linite I en lafors ki si pwisan ki I kapab ilimin lemonn e anmenn en lafen avek lager. Avek linite, ou kapab vin en promoter lape partou kot ou ale.
AKOZ FODRE PRATIK LINITE?
Dimoun diferan kouler, pei, larelizyon, seks ek laz I fer parti en ras – laras imen. Nou tou nou’n ganny kree pare Bondye. San linite, bann diferans I fer dimoun per e diviz zot. Dan bokou kwen lemonn, prezidis I anmenn divizyon. Dimoun I fer dimal e menm touy kanmarad akoz diferans kouler, larelizyon ou lide. Zot in oubliye ki nou tou nou ansanm lo sa planet, e ki Bondye I oule nou tou pour kontan kanmarad parey li I kontan nou.
Kan linite I egziste dan en fanmiy, zot ed kanmarad, zot ekout kanmarad e apresye diferan fason ki zot viv ansanm. Lezot I santi zot an sekirite. Linite I tre pwisan akoz I kontazye. Ler en fanmiy I pratik linite, I kapab propaz atraver lemonn antye.
Ser zanmi, Bahá’u’lláh I Profet nou lepok e in anmenn mesaz linite pour lape mondyal. In met lanfaz lo son misyon etablir linite limanite atrave sa bann mo senbolik:
Zot tou zot bann fri en sel pye dibwa, bann fey en sel brans, bann fler en sel zarden.” I ti osi azoute: “Laglwar I pa pour sa enn ki kontan son pei me plito pour sa enn ki kontan limanite antye.
Bahá’u’lláh in ansenny nou linite limanite. Tou imen I zanfan en sel Bondye. Si nou kwar dan en papa seles e inik, nou fodre osi aksepte tou dimoun koman nou frer, parey bann manm en se menm fanmiy, lafanmiy imen. Avan ki Bahá’u’lláh ti anmenn lalimyer linite, zonm ti annan bokou rezon pour kwar ki zot diferan avek lezot. Serten ti kwar ki si zot ti annan lapo blan, zot ti siperyer bann ki ti annan lapo nwanr. Bahá’u’lláh ti presize ki zonm pa diferan akoz kouler zot lapo. Zot diferan akoz degre ledikasyon ki zot in gannyen. Dan lemonn, bann zonm diferan kouler I konparab avek diver varyete fler dan en zarden. Si tou bann fler ti menm kouler, zarden pa ti pou si zoli. Bahá’u’lláh I dir nou ki Bondye I parey en berze ki pa fer diferans ant son bann mouton nwanr, blan ou gri. Bondye I kontan nou tou san preferans pour kouler nou lapo oubyen nou lorizin. Akoz fodre nou konsider lezot koman etranze? Bahá’u’lláh in entegre en lanmour si gran dan leker son bann fidel ki zot santi zot koman bann manm en menm fanmiy, menm si zot sorti dan tou kwen lemonn.
Pour definir vre linite, `Abdu’l-Bahá, garson Bahá’u’lláh, i dir nou:
Linite ki prodwir bann rezilta san limit se an premye linite limanite ki rekonnet ki nou tou nou anba proteksyon laglwar diven, ki nou tou nou bann serviter en sel Bondye, akoz nou tou nou respir menm latmosfer, nou reste lo menm planet, servi lasaler menm soley e nou anba proteksyon en menm Bondye. Sa I pli gran linite e son bann rezilta I san limit si selman limanite I respekte li.
Dan en renyon an New York, le 28 me 1912, I ti dir avek son lodyans:
Bann mesaze diven, depi lepok Adam, in met zefor pour ini bann zonm pour fer zot vin en sel lam e en sel lekor. Parey en berze, son rol se pour rasanble son troupo e non pa dispers zot. Alor, bann profet Bondye in parey bann berze diven limanite. Zot in etablir en lyen lanmour ek linite ant bann zonm pour rasanble tou bann troupo disperse. Zot in met tou bann pep lo semen lape iniversel.
Zot in enplor zonm pour kontan kanmarad e fer lemonn imen koman en laglas lemonn Bondye.
Ser zanmi, in annan en sel profet pour sak lepok legzistans limanite e sak profet pour sa lepok an kestyon, i sorti kot en sel Bondye, nou kreater. Mesaz Bahá’u’lláh pour limanite I soulinny lenportans linite pour anmenn lape. I ekrir:
Later I en sel pei e limanite son sitwayen
Ser oditer, limanite pe pas atraver en transormasyon. Bokou pe ganny fer pour permet li devlope e progrese, sirtou o nivo siantifik. Osi, annou touzour mazinen ki lansennyman spirityel nou lepok se pour fer avanse limanite. Sa nouvo mesaz spirityel in anmenn en nouvo lalimyer pour lemonn ti pe plonz dan fernwanr. I osi sa remed spirityel pour tou maladi imen e I manifeste lavi eternel pour limanite. Sa Saintete, Bahá’u’lláh, ki an limenm soley laverite, in leve lo lorizon loriyan, setadir dan les nou planet e I pe ilimin lemonn antye avek en lalimyer ki pa pou zanmen tennyen. Son bann prensip I en remed pour tou douler limanite e en gerizon pour sosyete. I pou en linyon ki pou inir anfen Loriyan ek Loksidan, setadir Les ek Was.
Pour terminen, annou vwar bann ekstre lekritir sakre par Bahá’u’lláh lo nou tenm ozordi:
Voici, ô mes bien-aimés, que vient d’être établi le tabernacle de l’union: ne vous regardez donc plus comme des étrangers. Vous êtes les fruits d’un même arbre et les feuilles d’une même branche.
Soyez comme les doigts d’une seule main et les membres d’un même corps. Voici ce que vous conseille la Plume de le révélation.
Linite limanite I esansyel pour etablir lape mondyal. Linite I komans dan fanmiy ant manman ek papa ek bann zanfan. Osi, kot lekol e landrwa travay, sa lespri linite I devret egziste parmi tou dimoun pour anmenn lape ek stabilite dan nou sosyete.